أوضح المطرب عمر كمال، أنه لا يعرف سبب انفعال الفنان باسم سمرة عليه في إحدى الحفلات مؤخرًا، متابعًا أنها كانت حفلة عيد ميلاد صديق وتواجد عدد كبير من المخرجين والفنانين وناس كتير محترمة وفجأة لاقيت حد بيقولي حيي الفنان باسم سمرة عشان متضايق أوي، أنا مخدتش بالي منه لانه كان قاعد ورا خالص، وقمت بتحيته فعلا”.
وأضاف”كمال” خلال مداخلة هاتفية لبرنامج “التاسعة” المذاع عبر “القناة الأولى المصرية”، منذ قليل، أنه كل ما أحييه يتضايق أكتر ويشوح، فخلاص سيبته عشان ملفتش النظر ويحصل مشكلة، بعدها جه الفنان سعد الصغير وقالي معلش يا عمر وقف المزيكا خالص وحييه عشان متضايق وهيعمل قلق جامد، وفعلا وقفت المزيكا وحييته، لاقيته جالي عند المسرح بطريقة وحشة جدًا وقالي إنزل، وطبعا عشان الحفلة والناس مرضتش أقوله إيه اللي بتعمله ده يا فنان ونزلت.
وتابع: أنا زعلان عليه لأنه فنان كبير، وفنان سينمائي كبير، مضيفًا أن المشكلة دي حصلت مع الفنان محمد رمضان برضه من جانب الفنان باسم سمرة في أحد الحفلات وحصلت مشكلة بينهما قبل كدة، وصاحب عيد الميلاد كان واخد تصريح أكيد، وأنا مقدرش أمنع صاحب الفيلا أنه يعمل عيد ميلاد.
